G: Noja, ab boar messn doch nei, Famber sind eh immer die wenigsten drin.
Do muss mer si ja vorm Pfarrer schema.

S: Wos sagst no zum Pfarrer seine langa Hoar?

G: Des is mir wurscht, wie lang dem seine Hoar sind.
Hauptsach die Predigt ist schee kurz. Und außerdem geh ich ja nit bloß
wecherm Pfarrer nei, sondern a wecher der Singgruppen, weil die sunst ganz
umersonst singt.

S: Do hast rechtl Die singa scho schee - obwohl des mit dem Introitus, do
kumm ich nit immer so mit - aber ich glab do bin ich wohl nit die einzige.
Ober die scheena Lieder wos derzwischen immer amoll singa - vor allem
an Weihnachten.

G: Ja, die wenn mer nit hättn, wär Famba fei um einiges ärmer, do wär längst nit
so viel los.

S. Des derfst lauf song. Die sorgn des ganze Johr derfür, dass sich wos
rührt. An Lichterzug machns für die Kinner, an der Sonnwendfeier
denners beim Fackelzug mit. In Perzermärtel lasssns kumma und bom
Adventssinga sens a vornedru.

G: Ja, und die Geburtstochsständerli, so wos freit an doch.... bei die Hochzeitn tät a kanner singa.

S: No, und auf deiner Leicht amoll nit.

G: Ich hob ghärt, dass des wonanderscht scho gor nimmer gibt, dass do am
Friedhof a Chor sing. Do kemmer froh sein, dass de des doch immer nur so
machen.. wenn's manchmal bloss a poar Hanseli sind.

S: Worst no aufm Volksliedersinga a scho moll?

G: Freili, des ist fast wie beim Wirtshaussinga, ober halt a weng gemütlicher für
uns, mit Kaffe und Kung uns so - noja, schee ist halt, dass mer aweng
zamkummt.

S: Des is immer im Feierwehrhaus, gell?
Do geh ich des nächste Moll a hie.
Dassd fei am Sunndoch nicht in die Kerch notappst, weil do is der
Festgottesdienst fei in der Halin, wecher ihrm Jubiläum.

G: Freilich, und do fängt der Gottesdienst scho um 9.00 Uhr o.

S: Do singers wieder, sogar mit dem Gesangverein. Und der Posaunachor
kummt aa. Gehst do a naus?

G: Ich scho, do hockt mer grod so gut und dernoch kann mer gleich wos
Mittochessen.

S: ...wie wenn die nit amoll a Mohlzeit groden kennert!